AQSh harbiy-havo kuchlari shtab boshlig‘i general Mark Uelsh, Texasdagi Laflin aviabazasining bir necha uchuvchilariga nisbatan surishtiruv ishlarini boshlab yubordi. Bu haqda, The Washington Times bergan ma’lumotlarga asoslanib, “Interfaks” xabar bermoqda.
Bunga sabab, uchuvchilarga tegishli bo‘lgan mobil telefonlaridagi SMS yozishmalarda xonanda Mayli Sayrus qo‘shiqlaridan jumlalar topilganligi sabab bo‘ldi.
Generalning fikricha, yozuvlar uchuvchilarning giyohvand moddalarini iste’mol qilganligidan dalolat beradi.
Bunda, We Can’t Stop qo‘shig‘idagi We like to party/dancing with Molly/doing whatever we want (Biz bayramni xohlaymiz/Molli bilan raqsga tush /biz xohlagan hamma narsani qil) jumlalari nazarda tutilmoqda. Generalga “Molli” so‘zi yoqmagan bo‘lib, u bu so‘zni ekstazi deb nomlanadigan giyohvand moddasining jaydari atamasi, deya hisoblamoqda.
O‘z navbatida, uchuvchilar e’tiroz qilgan holda, ular bu qo‘shiqni Las-Vegasga bo‘lgan odatiy safarida aytib yurganligini, keyinchalik esa qo‘shiq o‘zaro hazilga aylanib ketganligini bayon qildi.
Uchuvchilarni taqiqlangan vositalarni iste’mol qilganligini aniqlab beruvchi sinovdan o‘tishga majbur qilishdi, lekin olingan natijalarda hech bir shubhali narsa topilmadi.
Shunga qaramasdan, uchuvchilarning bevosita qo‘mondoni polkovnik Gastings ularni uchish amaliyotlaridan chetlashtirdi.
Ishning muhokamasi Kongressda ko‘rib chiqilishgacha borib, u yerda polkovnikning qarori ortiqcha bo‘lganligi haqida dastlabki xulosa berildi.
Izoh (0)