Mikroprotsessorlar ishlab chiqarish bo‘yicha jahondagi eng yirik kompaniya — Intel Xitoyning Dalyan shahrida joylashgan yarim o‘tkazgichlar zavodiga bir necha milliard dollar sarmoya kiritishini e’lon qildi. 3DNews xabariga ko‘ra, fabrika yangi avlod xotira mikrosxemalarini ishlab chiqarishga qayta yo‘naltiriladi.
Bloomberg agentligining Amerika korporatsiyasi bayonotiga asoslanib xabar berishicha, yaqin uch—besh yil ichida Intel Xitoydagi korxonaga 3,5 milliard dollargacha sarmoya kiritadi, keyinchalik xarajatlar miqdori 5,5 milliard dollargacha ko‘payishi mumkin.
Dalyandagi qiymati 2,5 milliard dollarga teng zavod faoliyati 2010-yilda boshlangan. 2016-yilning ikkinchi yarmida bu yerda doimiy xotira-chiplari, xususan, Micron bilan hamkorlikda tayyorlangan 3D NAND chiplarini ishlab chiqarish ko‘zda tutilgan.
2015-yilning iyulida Intel va Micron energiyaga bog‘liq bo‘lmagan 3D Xpoint xotira-chiplarini taqdim etgandi, u NAND flash’dan 1000 barobar tezroq ishlaydi. 10 yildan beri ishlab chiqilayotgan mazkur texnologiya Intel strategiyasining muhim tarkibiy qismi hisoblanadi.
Izoh (0)