20-oktabr kuni HTC kompaniyasi o‘rtacha narx kategoriyasidagi One A9 smartfonini taqdim etdi, deya xabar bermoqda TJournal. iPhone 6 va iPhone 6s bilan tashqi jihatdan juda o‘xshash bo‘lgani uchun OAVlar unga darhol “Android’da ishlovchi arzon iPhone” deb nom berdi.
HTC One A9 avvaldan o‘rnatilgan Android 6.0 operatsion tizimi bilan sotuvga chiqadigan birinchi smartfonlardan biri bo‘ladi. Alyuminiy korpusga ega besh dyuymli qurilma 399,99 dollardan sotiladi.
O‘z o‘lchamlariga ko‘ra, u iPhone 6 va iPhone 6s o‘rtasida turadi. A9’ning orqa tomoni ham Apple qurilmalarining so‘nggi avlodlaridan ko‘p ham farq qilmaydi. Shuningdek, uning old qismida xuddi iPhone 6’dagidek displey tagida barmoq izi skaneriga ega tugma paydo bo‘ldi.
Yangi HTC qurilmasi Snapdragon 617 protsessori, 3 Gb tezkor va 32 Gb ichki xotira, 13 megapikselli asosiy kamera va old UltraPixel moduliga ega.
Izoh (0)