AQSh KXDR bilan tinchlik bitimini tayyorlashdan bosh tortdi, deya xabar bermoqda “TASS”. Bu haqda AQShning KXDR bo‘yicha maxsus vakili Son Kim AQSh Kongressi senatining tashqi ishlar bo‘yicha qo‘mitasi yig‘ilishida aytib o‘tdi.
“Bizning bunday muhokamalarga kirishish niyatimiz yo‘q”, — dedi diplomat. Uning aniqlik kiritishicha, Shimoliy Koreya bilan munosabatlardagi birlamchi vazifa — Koreya yarim orolini yadrodan xoli qilish. U Pxenyanning tinchlik bitimi tuzish taklifini “o‘ziga nisbatan bo‘ladigan yon bosishlarga erishish o‘yini” deb atadi. Buning o‘rniga, KXDR “yadro muammosi, raketa muammosi va inson huquqlarining yaxshilanishi bo‘yicha progress”ni ko‘rsatishi kerak.
Pxenyan AQSh bilan to‘laqonli tinchlik shartnomasi tuzish taklifini 2-oktabr kuni BMT tribunasidan turib kiritgan edi.
Izoh (0)