АҚШ ҳарбий-ҳаво кучларининг 3 нафар учувчиси Майли Сайруснинг қўшиғи туфайли ишдан бўшатилди

АҚШ ҳарбий-ҳаво кучлари штаб бошлиғи генерал Марк Уэлш, Техасдаги Лафлин авиабазасининг бир неча учувчиларига нисбатан суриштирув ишларини бошлаб юборди. Бу ҳақда, The Washington Times берган маълумотларга асосланиб, «Интерфакс» хабар бермоқда.

Бунга сабаб, учувчиларга тегишли бўлган мобил телефонларидаги SMS ёзишмаларда хонанда Майли Сайрус қўшиқларидан жумлалар топилганлиги сабаб бўлди.

Генералнинг фикрича, ёзувлар учувчиларнинг гиёҳванд моддаларини истеъмол қилганлигидан далолат беради.

Бунда, We Can’t Stop қўшиғидаги We like to party/dancing with Molly/doing whatever we want (Биз байрамни хоҳлаймиз/Молли билан рақсга туш /биз хоҳлаган ҳамма нарсани қил) жумлалари назарда тутилмоқда. Генералга «Молли» сўзи ёқмаган бўлиб, у бу сўзни экстази деб номланадиган гиёҳванд моддасининг жайдари атамаси, дея ҳисобламоқда.

Ўз навбатида, учувчилар эътироз қилган ҳолда, улар бу қўшиқни Лас-Вегасга бўлган одатий сафарида айтиб юрганлигини, кейинчалик эса қўшиқ ўзаро ҳазилга айланиб кетганлигини баён қилди.

Учувчиларни тақиқланган воситаларни истеъмол қилганлигини аниқлаб берувчи синовдан ўтишга мажбур қилишди, лекин олинган натижаларда ҳеч бир шубҳали нарса топилмади.

Шунга қарамасдан, учувчиларнинг бевосита қўмондони полковник Гастингс уларни учиш амалиётларидан четлаштирди.

Ишнинг муҳокамаси Конгрессда кўриб чиқилишгача бориб, у ерда полковникнинг қарори ортиқча бўлганлиги ҳақида дастлабки хулоса берилди.