Filippin shimolidagi Koppu to‘foni qurbonlari soni 47 kishiga yetdi, deya xabar bermoqda “RIA Novosti”.
Odamlar to‘fon natijasida yuzaga kelgan suv toshqini, yer o‘pirilishi va daraxtlar qulashi oqibatida halok bo‘lgan. Yana bir necha kishi bedarak yo‘qolgan deb e’lon qilindi.
Fuqaro mudofaasi mahalliy bo‘linmasining ma’lum qilishicha, mamlakatning qishloq xo‘jalik tumanlarida 20-oktabr, seshanba kuni 200 dan ortiq qishloq suv ostida qolgan. Tabiiy ofat oqibatlarini bartaraf etish agentligi ma’lumotlariga qaraganda, to‘fon 500 mingga yaqin kishiga ta’sir yetkazgan.
Filippin hukumati hisob-kitoblariga ko‘ra, to‘fondan qishloq xo‘jaligi va infratuzilmaga yetgan zarar 115 million dollarni tashkil etadi.
Izoh (0)