Kuba tashqi ishlar vazirligi Suriya hududiga mamlakat harbiylari yuborilmaganini rasman inkor etdi. Bu haqda “Gazeta.ru” xabar bermoqda.
Qisqacha raddiyada “vazirlik Kuba qo‘shinlari Suriyada joylashtirilgani to‘g‘risidagi asossiz va mas’uliyatsiz ma’lumotlarni qat’iyan rad etadi”, deya ma’lum qilingan.
Oldinroq Oq uy matbuot kotibi Josh Ernest ham jurnalistlar bilan o‘tkazilgan brifingda AQSh Suriyada Kuba harbiylari mavjudligi to‘g‘risidagi xabarlarni tasdiqlamasligini aytib o‘tgan edi.
Eslatib o‘tamiz, Kuba elchixonasining Damashqdagi vakili Gavananing Suriyaga harbiylar jo‘natgani to‘g‘risidagi mish-mishlarni nazarda tutib, “bu Rossiya lemurlarni himoya qilish uchun Madagaskarga harbiylarni yubordi, deb ta’kidlash kabi ahmoqona gap», — deya izoh bergandi.
Izoh (0)