AQShning Florida shtatidagi Fort-Mayers shahrida har yili o‘tkaziladigan an’anaviy ZombieCon festivalida yuz bergan otishma oqibatida bir kishi halok bo‘ldi, to‘rt kishi yaralandi. Bu haqda “TASS” xabar bermoqda.
Hodisa festival yopilishi arafasida yuz bergan. Otishma oqibatida jami besh kishi yaralangan bo‘lib, ulardan biri keyinroq vafot etdi. Qolganlar esa kasalxonaga yotqizilgan. ABC telekanali ma’lumotlariga ko‘ra, jabrlanuvchilarning hayoti xavf ostida emas.
Politsiya xodimlari hodisa yuz bergan joyni o‘rab olgan, o‘t ochgan shaxs qidirilmoqda.
ZombieCon festivali 2005-yildan beri muntazam ravishda o‘tkazib kelinadi, unga o‘rtacha 20 ming kishi tashrif buyuradi.
Izoh (0)