Gondurasga yopirilgan shiddatli yomg‘ir oqibatida besh kishi halok bo‘ldi, o‘nlab oilalar mol-mulkiga ziyon yetdi. Bu haqda “RIA Novosti” xabar bermoqda.
Komayagua departamentida jala kichik posyolkada ko‘chkiga sabab bo‘ldi. Tonnalab tuproq bosib qolgan uyda oilaning barcha a’zolari — ota-ona va ularning uch nafar farzandi nobud bo‘ldi.
Mamlakatda 16-oktabr, juma kunidan beri yomg‘ir tinmagan. Yog‘inlar asosan Santa-Barbara va Kortes departamentlariga ziyon yetkazgan: bu hududlarda dalalar va xonadonlar vayron bo‘lgan. Poytaxt Tegusigalpani davlatning ahamiyati jihatidan ikkinchi shahri — San-Pedro-Sula bilan bog‘lovchi yo‘l ham qisman buzilgan.
Izoh (0)