Buyuk Britaniya Suriyada operatsiya o‘tkazishda Xitoy ko‘magiga umid qilmoqda

Buyuk Britaniya bosh vaziri Devid Kemeron Xitoy davlat rahbari Si Szinpin bilan bo‘ladigan bo‘lajak uchrashuvda Suriyada operatsiya bo‘yicha Xitoyning ko‘magiga erishish niyatida. Bu haqda Meduza xabar bermoqda.

The Daily Mirror nashri ma’lumotlariga ko‘ra, Kemeron Suriya osmonida Rossiya aviatsiyasi bilan ehtimoliy nizolar yuz berishi oldini olish maqsadida Si Szinpindan Rossiya prezidenti Vladimir Putinga ta’sir ko‘rsatishni iltimos qiladi.

Bundan tashqari, The Daily Mirror’ning qayd etishicha, Kemeron Xitoy yetakchisidan, agar operatsiyani o‘tkazish masalasi BMT Xavfsizlik kengashida muhokama qilinadigan bo‘lsa, Xitoyning Buyuk Britaniyaga qarshi chiqmasligi kafolatini olishni ham rejalashtirgan.

“Kemeron Rossiya MiGlari va Britaniya Tornado’lari o‘rtasida yuz berishi mumkin bo‘lgan har qanday to‘qnashuvning oldini olish maqsadida barcha choralarni ishga solmoqda”, — deb yozadi The Daily Mirror.