Moskva shahar sudi Ukrainaning “Znamya” mudofaa zavodi sobiq direktori 73 yoshli Yuriy Soloshenkoni Ukraina foydasiga josuslik qilgani uchun olti yilga qat’iy rejimdagi koloniyaga mahkum etdi, deya xabar bermoqda Meduza.
Soloshenko ishini Moskva shahar sudi oktabr boshidan buyon ko‘rib chiqayotgandi. Ish “maxfiy” degan belgiga ega bo‘lgani tufayli, eshituvlar yopiq rejimda olib borilayotgan edi.
Hukm e’lon qilingach, Rossiya Federal xavfsizlik xizmati Soloshenko C-300 zenit-raketali majmuaning maxfiy qismlarini noqonuniy ravishda sotib olishga urinish chog‘ida qo‘lga olingani haqida xabar tarqatdi.
Nashr eslatishicha, Yuriy Soloshenko Poltavada joylashgan “Znamya” zavodini 20 yilga yaqin boshqargan. U havo hujumiga qarshi mudofaa vositalari uchun yuguruvchi to‘lqin lampalarining o‘ta yuqori chastotali elektr vakuumli buyumlarini ishlab chiqaruvchi yirik korxona bo‘lgan.
Izoh (0)