Shu yilning 11-oktabr kuni Rossiya poytaxti Moskva shahri Crocus City Hall majmuasida XVI Moskva xalqaro Qur’on qorilari musobaqasi bo‘lib o‘tdi, deb xabar beradi O‘zbekiston musulmonlari idorasi matbuot xizmati.
Unda 44 mamlakatdan Qur’oni Karim hofizlari ishtirok etdi.
Saralash bellashuvlaridan so‘ng 6 mamlakat a’zosi musobaqaning final bosqichiga yo‘l oldi (Jazoir, Eron, Yaman, Kuvayt, Saudiya Arabistoni, Tanzaniya).
Hakamlar hay’ati qaroriga ko‘ra, Eron islom Respublikasi vakili Muso Mo‘tamedi qori musobaqa g‘olibligini qo‘lga kiritdi. Ikkinchi va uchinchi o‘rinlarni yamanlik qori Zoid Abdullatif Abdulloh Al-Sanoiy hamda tanzaniyalik hofizi qur’on – Umar Abdulloh Salim egalladi.
XVI Moskva xalqaro Qur’on qorilari musobaqasi doirasida islom madaniyati va Qur’oni karimning tarixiga oid ko‘rgazma tashkillashtirildi.
Ko‘rgazmada Qur’oni Karimnig noyob tarixiy nusxalari namoyish etildi. Shuningdek, Arabic Calligraphy Center Easy jamiyati tomonidan tajvid qoidalari haqida mahorat darslari tashkil qilinib, xattotlik san’ati bilan ham tanishtirib o‘tildi. Ko‘rgazmaga tashrif buyurganlar bu borada o‘zlarini qiziqtirgan savollariga javob oldi.
Izoh (0)