Avtohalokat natijasida barcha qo‘l va oyoqlari falaj bo‘lib qolgan floridalik Joel Jekson xavfsizlik kamarlari yordamida o‘z turmush o‘rtog‘i Loren bilan birga raqsga tushdi. Bu haqda Metro xabar bermoqda.
Xabar berishlaricha, oyog‘i yerga tegar-tegmas osilib turgan Jekson o‘z ayoli bilan Edvin Makkeynning “I’ll be” qo‘shig‘i ohanglari ostida raqsga tushgan.
Loren o‘z blogida yozishicha, raqs vaqtida uning “nafasi tiqilib qolgan”. Gapirish qobiliyatini ham yo‘qotgan Joel esa raqsdan olgan taassurotini “eyforiya” deb ta’riflagan.
Metro Joel qachondir to‘laqonli harakatlanib ketishi mumkinmi-yo‘qmi, bunga aniqlik kiritmagan.
Juftlik bir-biri bilan 14 yoshdan beri tanish bo‘lib, Loren 2013-yili Joelga turmushga chiqqan. O‘shanda Joel, agar u yurib keta olsa, turmush o‘rtog‘i bilan birga raqsga tushishini aytgandi.
2009-yili Joelning avtomobili telefon ustuniga borib urilganida, jabrlanuvchi mashina ichidan otilib chiqib ketgan; Joel avariyadan keyingi bir necha hafta davomida koma holatida bo‘lgan.
Izoh (0)