Автоҳалокат натижасида барча қўл ва оёқлари фалаж бўлиб қолган флоридалик Жоэл Жексон хавфсизлик камарлари ёрдамида ўз турмуш ўртоғи Лорен билан бирга рақсга тушди. Бу ҳақда Metro хабар бермоқда.
Хабар беришларича, оёғи ерга тегар-тегмас осилиб турган Жексон ўз аёли билан Эдвин Маккейннинг «I’лл бе$/ЭХ$» қўшиғи оҳанглари остида рақсга тушган.
Лорен ўз блогида ёзишича, рақс вақтида унинг «нафаси тиқилиб қолган». Гапириш қобилиятини ҳам йўқотган Жоэл эса рақсдан олган таассуротини «эйфория» деб таърифлаган.
Metro Жоэл қачондир тўлақонли ҳаракатланиб кетиши мумкинми-йўқми, бунга аниқлик киритмаган.
Жуфтлик бир-бири билан 14 ёшдан бери таниш бўлиб, Лорен 2013 йили Жоэлга турмушга чиққан. Ўшанда Жоэл, агар у юриб кета олса, турмуш ўртоғи билан бирга рақсга тушишини айтганди.
2009 йили Жоэлнинг автомобили телефон устунига бориб урилганида, жабрланувчи машина ичидан отилиб чиқиб кетган; Жоэл авариядан кейинги бир неча ҳафта давомида кома ҳолатида бўлган.
Изоҳ (0)