Xitoyda “Muchjige” tayfuni natijasida 19 kishi halok bo‘ldi, yana to‘rt kishi bedarak yo‘qolgan, deb gumon qilinmoqda. Bu haqda “Korrespondent.net” xabar bermoqda.
Qayd etishlaricha, tabiiy ofat natijasida Xitoyning materik qismida 5,4 million kishi jabrlangan.
Xitoy janubidagi Guandun viloyati ma’muriyatidan ma’lum qilishlaricha, to‘fon yetkazgan zarar miqdori 3,66 milliard dollarni tashkil etdi. Qo‘shni Guansi-Chjuan muxtor tumanida esa iqtisodiy zarar hajmi 111 million dollarga teng.
“Muchjige” tayfuni Xitoyga 4-oktabr, shanba kuni yopirilgan edi. Mahalliy OAVdagi xabarlarga ko‘ra, “Muchjige” 1949-yildan beri Xitoyga yopirilgan eng vayronkor to‘fon bo‘ldi.
Izoh (0)