Tailandda urg‘ochi buyvol timsohga o‘xshash buzoqni dunyoga keltirdi. Tug‘ilganidan so‘ng ko‘p o‘tmay nobud bo‘lgan maxluq mahalliy aholini hayratga soldi. Bu haqda The Daily Mail ma’lumotlariga tayanib, “Korrespondent.net” xabar bermoqda.
Buzoqning boshi va tangachalar bilan qoplangan terisi timsohga, tuyog‘i va dumi esa buyvolga o‘xshar edi. Qishloqdagilar nobud bo‘lgan maxluq atrofiga yomon ruhlarni cho‘chitish uchun shamlar yoqishdi. Ular bunday antiqa mavjudotning tug‘ilishi yaxshi alomat ekanligiga ishonmoqda.
Nashrning ta’kidlashicha, urg‘ochi buyvol shu paytga qadar faqat sog‘lom nasl dunyoga keltirgan. Olimlar bunday mutatsiyaga nima sabab bo‘lishi mumkinligiga hozircha javob topolmadi.
Izoh (0)