AQShning Oregon shtatida 26 yoshli Kristofer Shon Xarper-Merser o‘zi o‘qiydigan kollejda ommaviy qotillikni amalga oshirdi. Bu haqda Tengrinews xabar bermoqda.
Politsiya ma’lumotlariga ko‘ra, Xarper-Merser Rozberg shaharchasidagi Ampkva kollejining ikki binosida otishma keltirib chiqargan, natijada o‘n kishi halok bo‘lgan, to‘qqiz kishi yaralangan.
Qayd etishlaricha, halok bo‘lganlarning uch nafari 18 yoshda edi. Shuningdek, qurolli hujum natijasida 67 yoshli o‘qituvchi ham halok bo‘lgan. Xarper-Merserning o‘zi politsiya bilan bo‘lgan otishma vaqtida otib o‘ldirilgan.
Fojiada omon qolgan guvohlarning so‘zlariga ko‘ra, Xarper-Merser o‘z qurbonlarini otishdan avval ularning qaysi dinga e’tiqod qilishini so‘ragan va nasroniy bo‘lib chiqqan kishilarning boshini o‘qqa tutgan.
O‘quv muassasasidagi ommaviy qotillik munosabati bilan AQSh prezidenti Barak Obama Oq uydagi, shuningdek, barcha davlat muassasalari, mamlakat ichi va tashqarisidagi harbiy va diplomatik obyektlardagi davlat bayrog‘ini to‘rt kunga tushirish haqida ko‘rsatma berdi.
Izoh (0)