AQShning Shimoliy Karolina shtatida istiqomat qiluvchi ayol 2014-yil yanvarida farzandini ochlikdan o‘ldirgani uchun 25 yilga ozodlikdan mahrum etildi. Bu haqda “TASS” xabar bermoqda.
Tergovchilarning aniqlashicha, 36 yoshli Jessika Jensenning 13 yoshli o‘g‘li Eyden Bossingemning og‘irligi bevosita o‘limi arafasida atigi 9,5 kilogrammga teng bo‘lgan. Bolada gormonal buzilish yuz bergan bo‘lib, bu holat gipofiz faoliyatiga ta’sir qilgan.
Bola taom iste’mol qilganidan so‘ng, qayt qilib yuboravergan. Majburiy ochlik haddan tashqari zo‘riqishga sabab bo‘lgan, shunga qaramay ona bir necha yil davomida farzandini shifokorlarga ko‘rsatmagan.
Ayolning advokatlari suddan ayblanuvchining chin ko‘ngildan iqrori evaziga jazo chorasini yumshatib, 16 yilga ozodlikdan mahrum etishni so‘radi. Biroq sudya okrug sudi Geri Li “aybning og‘irligi va dalillar aniqligi” sabab bu iltimosni rad etdi.
Jessikaga nisbatan rasmiy ayblov 2014-yil martida e’lon qilingandi. Ayol o‘zining aybsiz ekanligini ta’kidlagan edi.
Izoh (0)