Meksika AQShga ikki nafar narkobaronni topshirdi. Bu haqda “RBK” xabar bermoqda.
Meksika bosh prokuraturasining ma’lum qilishicha, AQShga jami 13 nafar sudlanuvchi topshirilgan, ular orasida Barbi laqabli Edgar Valdes va Koss laqabli Xorxe Eduardo Kostilya kabi mamlakatning yirik narkobaronlari bor.
Ularning ikkisi ham turli jinoyatlar, jumladan, zo‘ravonlik va narkotiklar savdosi bilan shug‘ullanishda gumon qilinib, qidiruvda bo‘lgan. Valdes 2010-yili, Kostilya esa 2012-yilda qo‘lga olingan.
Valdes va Kostilya AQSh adliya vazirligi tomonidan dunyodagi eng qudratli narkobaron deb tan olingan Xoakin Gusman Loera shu yil iyul oyida Meksikadagi o‘ta qattiq qo‘riqlandigan qamoqxonadan qochib ketganidan so‘ng AQSh ixtiyoriga topshirildi.
Izoh (0)