Osiyo Chempionlar Ligasi—2015 yarim final bosqichi, dastlabki o‘yinlari doirasida Saudiya Arabistonining “Al Hilol” hamda Birlashgan Arab Amirliklarining “Al Ahli” jamoalari o‘rtasidagi o‘yinni o‘zbekistonlik hakamlar brigadasi boshqarib boradi. Bu haqda O‘zbekiston futbol federatsiyasi matbuot xizmati xabar bermoqda.
29-sentabrda bo‘lib o‘tadigan ushbu uchrashuv bosh hakami — FIFA referisi Valentin Kovalenko. Unga qanotlarda Ma’mur Saidqosimov hamda Husniddin Shodmonovlar yordam beradi. To‘rtinchi hakam — Sherzod Qosimov.
Uchrashuv komissari — Abdulg‘ofur Abdulhamid (Maldiv orollari). Nazoratchi — Tamikava Toru (Yaponiya).
Izoh (0)