“Barselona” hujumchisi Lionel Messi jarohati borligiga qaramay, klub mashg‘ulotlariga qatnashda davom etayapti. Bu haqda “Barcablaugranes.com” ma’lumotiga asoslanib, “Arena.uz” xabar bermoqda.
Bu ishni qilishda argentinalik hamkasbiga jamoadoshi Luis Suares ko‘maklashayapti. Messi jamoadoshlarining qo‘llab-quvvatlashini his qilib turishi uchun Urugvay termasi forvardi uni mashg‘ulotlarga olib kelmoqda va qaytarib olib ketmoqda.
Eslatib o‘tamiz, Messi Ispaniya La Ligasi 6-turidagi “Las-Palmas” bilan uchrashuv (2:1) vaqtida jarohat olgandi. Endi u sakkiz hafta maydonga tusha olmaydi (bu vaqt ichida u 13 uchrashuvni o‘tkazib yuboradi: 9 ta klub o‘yini va 4 ta terma jamoa o‘yinlari). Leoning “Real”ga qarshi 21-noyabr kuni o‘tkaziladigan “El-klasiko” o‘yinigacha safga qaytishi taxmin qilinmoqda.
Izoh (0)