AQSh prezidenti Barak Obamaning Britaniyadagi amakivachchasi hamkasblari uning ish joyida ishlashiga xalal bergani uchun, politsiya ustidan sudga murojaat qildi. Bu haqda “Gazeta.ru” xabar bermoqda.
AQSh prezidentining o‘gay onasi — Kezia Obama sudga shikoyat qilgan Mari Aumaning ammasi hisoblanadi. Obamaning amakivachchasi ikki yil davomida mazax qilingani uchun 400 ming funt-sterling miqdorida tovon puli talab qilmoqda.
Advokatlarning so‘zlariga ko‘ra, ayolning muammolari 2007-yili — u Keniyada avtohalokat sabab halok bo‘lgan akalarining qabrini ziyorat qilish uchun ta’til berishlarini so‘rab, rad javobini olganidan so‘ng boshlangan.
U mazkur rad javobi ustidan shikoyat qilishni boshlaganida, hamkasblari uni alohida ajratib qo‘ygan. Keyinchalik, muntazam sovuq munosabat ta’sirida ayolning salomatligi yomonlashib, oxir-oqibat sog‘lig‘i sabab ishdan ketgan.
Politsiya o‘ziga nisbatan ilgari surilgan ayblovni inkor etmoqda, mazkur ishni ko‘rib chiqish jarayoni davom etmoqda.
Izoh (0)