AQSh Federal tergov byurosi xodimlari mamlakatning sobiq davlat kotibi Hillari Klinton tomonidan avvalroq o‘chirib tashlangan elektron xatlarni tiklashga muvaffaq bo‘ldi. Bu haqda “TASS” xabar bermoqda.
AQShning NBC telekompaniyasi manbalariga ko‘ra, bunda gap Klinton 2009—2013-yillar oralig‘ida — AQSh Davlat departamentiga rahbarlik qilgan vaqtida olib borgan yozishmalar haqida bormoqda.
Ma’lum bo‘lishicha, Klinton xonim hali davlat kotibi bo‘lib ishlayotgan vaqtda — 2014-yil martida ish bo‘yicha masalalarni hal qilish uchun xizmat pochtasidan emas, balki shaxsiy elektron pochtasidan foydalangan.
Bu holat Vashingtonda mojaroga sabab bo‘ldi va Hillari Klintonni ichki xavfsizlik qoidalarini qo‘pol ravishda buzishda ayblashga asos sifatida ko‘rsatildi.
Klinton Davlat departamentining so‘rovi bo‘yicha o‘zining ishchi yozishmalarini taqdim etdi, ayni vaqtda, 30 mingga yaqin xatni u shaxsiy deb hisoblab, o‘chirib tashladi. Buning uchun Vashingtonda uni keskin tanqid ostiga olishdi.
FTB hozirgi vaqtda o‘chirib tashlangan xatlarning barchasini tiklaganmi yoki faqat bir qismiga nisbatan yo‘l ochilganmi, bunga aniqlik kiritilmayapti.
AQSh ma’muriyati mazkur xatlar ishchi yoki shaxsiy ekanligini mustaqil ravishda o‘rganib chiqib, belgilashni va shu asosda sobiq davlat kotibi o‘z faoliyatida xatolikka yo‘l qo‘ygan-qo‘ymaganini aniqlashni maqsad qilgan.
Izoh (0)