Rossiya Tergov qo‘mitasi Romanovlar imperatorlik uyi a’zolarining halok bo‘lishi bilan bog‘liq jinoiy ish yuzasidan tekshiruvlarni qaytadan boshlashga qaror qildi. Bu haqda qo‘mita saytida ma’lum qilingan, deya xabar beradi “Gazeta.ru”.
Jinoiy ish 1993-yilda Yekaterinburgda aslzodalarga mansubligi taxmin qilingan mozor topilgani munosabati bilan ochilgan edi. Ekspertiza natijasi qabrlardagi suyak qoldiqlari Rossiya imperatorlik uyi a’zolari — Nikolay II, uning turmush o‘rtog‘i Aleksandra Romanova va farzandlari Olga, Tatyana va Anastasiyaga tegishli ekanini ko‘rsatdi. 1998-yilda mazkur ish jinoyatni sodir etganlar hayotdan ko‘z yumgani tufayli to‘xtatilgan edi.
2007-yilda tekshiruvlar valiahd Aleksey Romanov va malika Mariya Romanova jasadlarini topish uchun qaytadan boshlandi. Bu narsa amalga oshib, qabrlar topilgach va qoldiqlar imperator farzandlariga tegishli ekanligi aniqlangach, ish yana yopilgan.
“Tergov oldiga 2011-yildan so‘ng topilgan arxiv materiallari hamda mazkur jinoiy ishga taalluqli ashyoviy dalillarni o‘rganish vazifasi qo‘yilgan”, deyiladi qo‘mita saytida.
Izoh (0)