Ukrainadagi Yavorov poligonida 21-sentabr kuni shaxsan NATO bosh kotibi Yens Stoltenberg va Ukraina prezidenti Pyotr Poroshenko tomonidan ochib berilgan “Ukraina-2015” xalqaro o‘quv mashg‘ulotlari davom etmoqda. Bu haqda “Yevropeyskaya pravda” xabar bermoqda.
Antropogen favqulodda holatlar va tabiiy ofatlarning oqibatlarini bartaraf etishga qaratilgan o‘quv mashg‘ulotlarida mingdan ortiq qutqaruvchi inqirozli vaziyatlarda o‘zaro hamjihatlikda harakat qilish ko‘nikmalari ustida ustida ishlamoqda.
Mashg‘ulotlar ssenariysida besh xil favqulodda vaziyat — ko‘mir shaxtasidagi portlash, kimyo zavodidagi hodisa, temiryo‘ldagi terakt yoki hodisa, o‘rmon yong‘ini hamda qutqaruv operatsiyalari vaqtida telemeditsinani qo‘llash kabilar ko‘zda tutilgan.
Mashg‘ulotlar Yevroatlantika falokatlarga munosabat bildirishni muvofiqlashtirish markazi (EADRCC) va Ukraina Favqulodda vaziyatlar davlat xizmati tomonidan tashkil etilgan.
Izoh (0)