Misr qurolli kuchlari so‘nggi ikki hafta davomida Sinay yarimorolining shimolida olib borgan keng ko‘lamli operatsiya natijasida 535 nafar jangari yo‘q qilindi. Bu haqda “TASS” xabar bermoqda.
Rafah, Shayx-Zuvayd va El-Arish shaharlari va yarimorolning markaziy qismidagi bir qator tumanlarni qamrab olgan maxsus operatsiya 7-sentabr kuni boshlangan bo‘lib, terrorchilarga qarshi hujumga armiya va ichki ishlar vazirligining maxsus bo‘linmalari, zirhli texnika, jangovar aviatsiya va artilleriya jalb etilgan.
Qayd etishlaricha, o‘tgan davr mobaynida armiya va politsiya jami 11 kishini yo‘qotgan. Diniy aqidaparastlarga qarshi janglarda 24 nafar askar va zobit tan jarohati olgani aytilmoqda.
Izoh (0)