Germaniyada AQShning yadroviy bombalari o‘rnatilganiga javoban Rossiya Kaliningrad viloyatida tezkor-taktik “Iskander-M” raketa majmualarini joylashtirishi mumkin. Bu haqda “Gazeta.ru” xabar bermoqda.
“Haqiqatan ham ushbu masala ko‘rib chiqilmoqda, biroq bu boradagi yakuniy qaror “Byuxel” Bundesver aviabazasidagi Germaniyaning “Tornado” qiruvchi-bombardimonchi samolyotlarini yangi B61-12 atom bombalari bilan ta’minlash rejasi bilan bog‘liq ehtimoliy tahdid izchil tahlil qilib chiqilganidan so‘ng qabul qilinadi”, — deydi “Interfaks”ning harbiy-diplomatik doiralardagi manbasi.
Avvalroq Germaniyaning ZDF telekanali AQSh B61-12 turiga mansub yangi yadroviy bombalarni Germaniyaga joylashtirishni rejalashtirayotganini aniqlagan edi. Kremldagilarning qayd etishicha, zarurat tug‘ilsa, Rossiyaning milliy xavfsizligini ta’minlash maqsadida, aksilchoralar ko‘riladi.
Izoh (0)