Janubiy Koreya tomoni Shimoliy Koreyadagi strategik harbiy obyektlar, xususan, yadroviy va raketa aslaha omborlarini yo‘q qilishga qaratilgan maxsus harbiy guruh tuzishni rejalashtirmoqda. Bu haqda “RIA Novosti” xabar bermoqda.
Janubiy Koreyaning Yonhap agentligi ma’lumotlariga ko‘ra, guruh tarkibidan maxsus xizmat bo‘linmalari qo‘mondonligining olti brigadasi o‘rin oladi. Shuningdek, maxsus bo‘linmalarni Shimolga eltish uchun alohida aviatsiya qismi ham tashkil etilishi ko‘zda tutilgan.
Maxsus xizmat bo‘linmalari qo‘mondonligi rahbari general-leytenant Chan Gyok Sokning so‘zlariga ko‘ra, maxsus guruhni KXDRga yetkazish uchun Janubiy Koreyadagi AQSh qo‘shinlarining qo‘shma harakatlariga zarurat tug‘ilishi mumkin.
Hozirgi vaqtda Koreya yarimorolining janubida 28 ming nafar amerikalik harbiy bor. 2015-yil avgustida, Janubiy Koreya va KXDR o‘rtasidagi munosabatlar chegaradagi otishmalar sabab jiddiy ravishda keskinlashganida, Janubiy Koreya va AQSh qo‘shinlari to‘liq jangovar shay holatga keltirilgan edi.
Izoh (0)