Agar Kataloniya qirollik tarkibidan chiqadigan bo‘lsa, muxtor viloyat aholisi Ispaniya fuqaroligidan mahrum bo‘ladi. Bu haqda, “TASS” xabariga ko‘ra, Ispaniya tashqi ishlar vaziri Xose Manuel Garsia-Margalio ma’lum qildi.
“Agar ma’lum bir hudud bir davlat tarkibidan chiqadigan bo‘lsa, turgan gapki, hudud mazkur davlat unga bergan barcha ramzlardan mahrum bo‘ladi”, — dedi Ispaniya Tashqi ishlar vazirligi rahbari.
Vazirning yodga solishicha, “Lotin Amerikasi respublikalari Ispaniyadan mustaqilligini e’lon qilganida, Ispaniya fuqaroligidan ham mahrum bo‘lgan”.
Uning ma’lum qilishicha, mustaqillikni bir tomonlama e’lon qilish “Ispaniya konstitutsiyasiga va boshqa istalgan mamlakat konstitutsiyasiga ham zid holatdir”.
Shu munosabat bilan, TIV rahbarining qayd etishicha, agar Kataloniya qirollik tarkibidan chiqishga qaror qilsa, “bu qaror hech qanday yuridik kuchga ega bo‘lmaydi, Yevropa Ittifoqi tomonidan ham, BMT tarafdan ham tan olinmaydi”.
Izoh (0)