Burkina-Fasodagi harbiy to‘ntarish yetakchisi Jilber Dyendere o‘tish davri hamda 11-oktabrga belgilangan yalpi saylovlardan so‘ng hokimiyatni topshirishga rozi bo‘ldi. Yangi saylovlarga qadar u davlatni boshqarib turadi. Bu haqda uzoq muzokaralardan so‘ng Senegal prezidenti Maki Sall ma’lum qildi, deya xabar bermoqda “Korrespondent.net”.
Kelishuv yuzasidan muzokaralar hali oxiriga yetmagan bo‘lsa-da, mamlakatdagi huquq himoyachilari hozirdanoq ushbu bitimni sharmandalik, deya baholamoqda. Fransiya prezidenti Fransua Olland esa fuqarolik hukumati dushmanlarini vaziyatga aralashishdan tiyilishga chaqirgan.
Eslatib o‘tamiz, 17-sentabr, chorshanba kuni Burkina-Faso prezidenti Mishel Kafando, bosh vazir va hukumat a’zolari prezident gvardiyasi tomonidan hibsga olingan, shundan so‘ng mamlakatda boshlangan g‘alayonlarda 10 kishi halok bo‘lgan, 100 dan ziyod fuqaro jarohatlangan edi.
Izoh (0)