Markaziy Nepaldagi Ramechxap okrugining tog‘ yo‘lida yo‘lovchi avtobusi qulashi oqibatida 8 kishi halok bo‘ldi va 37 kishi jarohatlandi. Bu haqda “RIA Novosti” xabar bermoqda.
Mazkur hodisa 18-sentabr, juma kuni kechki payt poytaxt Katmandudan 137 kilometr uzoqlikda ro‘y bergan. Mahalliy politsiya vakilining ta’kidlashicha, dastlabki surishtiruvlarga ko‘ra, halokatga avtobus haydovchisi sabab bo‘lgan.
Barcha jabrlanganlar kasalxonaga yotqizilgan, ularga zarur yordam ko‘rsatilmoqda.
Izoh (0)