Rossiyaning Xanti-Mansiysk shahrida shaxmat bo‘yicha 20 yoshgacha bo‘lgan aql idrok sohiblari o‘rtasidagi jahon chempionati o‘z yakuniga yetdi. Jahon chempionatining o‘g‘il bolalar o‘rtasidagi musobaqasida O‘zbekiston sharafini Shamsiddin Vohidov himoya qildi, deb xabar beradi “Olamsport”.
O‘zbekistonlik shaxmatchi 15-sentabr kuni o‘tkazilgan so‘nggi 13-tur uchrashuvida ham durang qayd etdi. Oq donalarda harakat qilgan Shamsiddin shveysariyalik Noel Studer bilan hisob-kitob qildi va yakunda ochkolarni bo‘lishib oldi.
Shu tariqa, Shamsiddin Vohidov 13 imkoniyatdan 6 ochko jamg‘arib, jahon chempionatini qo‘shimcha ko‘rsatkichlarga ko‘ra 41-o‘rinda yakunladi. Turnir jadvalida so‘nggi turgacha peshqadamlik qilib kelgan polshalik grossmeyster Yan-Krzijtof Duda 13-turda durang o‘ynadi.
Bundan unumli foydalangan rossiyalik grossmeyster Mixail Antipov italiyalik raqibini mag‘lub etib, 10 ochko bilan jahon chempioniga aylandi. Kuchli uchlikka germaniyalik grossmeyster Mattias Blubaum yakun yasab berdi.
Izoh (0)