Germaniyalik afsonaviy futbolchi Lotar Matteus va Italiya termasi bilan JCh-2006 da g‘olib chiqqan sobiq futbolchi Janluka Zambrotta 2018-yilgi jahon chempionati boshlanishiga 1000 kun qolgani munosabati bilan tashkil etiladigan tantanali marosimlarda qatnashishga rozilik bildirdi. Bu haqda “Interfaks” xabar bermoqda.
Matteus va Zambrotta 16 yoshgacha bo‘lgan o‘smirlar o‘rtasida 18-sentabrda Qizil maydonda start oladigan xalqaro futbol musobaqasining faxriy mehmoni bo‘ladi. Unda so‘nggi uch jahon chempionatida g‘olib chiqqan mamlakatlar — Italiya, Ispaniya va Germaniya, shuningdek, JCh-2018 mezboni sifatida Rossiya termalari qatnashadi.
Bundan tashqari, Matteus va Zambrotta JCh-2018 startiga qadar qolgan vaqtni ko‘rsatib turuvchi soatlarni ishga tushirish marosimida ham qatnashadi. Mazkur marosim 18-sentabr kuni Moskva vaqti bilan 13:00 da Manej maydonida bo‘lib o‘tadi.
Izoh (0)