O‘zbekiston milliy teleradiokompaniyasining Xalqaro aloqalar bo‘limining 2015/16-yilgi Yevropa Chempionlar Ligasi o‘yinlarini namoyish qilish huquqini qo‘lga kiritish bo‘yicha olib borayotgan muzokaralari hozirgacha o‘z samarasini bermadi.
Xalqaro aloqalar bo‘limi teletranslyatsiyalar huquqini qo‘lga kiritish uchun uzoq vaqt muzokaralar olib bordi. “Sport” telekanali UEFA ChL o‘yinlarini translyatsiya qilish huquqini musobaqa boshlanishiga bir kun qolganda ham qo‘lga kiritishi mumkinligi xabar qilingandi. Ammo ertaga, 15-sentabr kuni Yevropa Chempionlar Ligasi o‘yinlari “Sport” orqali ko‘rsatilmaydi.
Xalqaro aloqalar bo‘limidagilarning “Daryo”ga ma’lum qilishicha, agar YeChL o‘yinlarini namoyish etish huquqi qo‘lga kiritiladigan bo‘lsa, bu haqda O‘zbekiston milliy teleradiokompaniyasining rasmiy sayti orqali xabar beriladi.
Eslatib o‘tamiz, UzReport TV telekanali UEFA Chempionlar Ligasi musobaqasini O‘zbekiston Respublikasi hududida to‘g‘ridan-to‘g‘ri translyatsiya qilish huquqini beruvchi litsenzion paketni xarid qilgan.
Izoh (0)