Hindiston Eronga AQSh Moliya vazirligi joriy etilgan sanksiyalar oqibatida “muzlatib” qo‘yilgan va Eron milliy neft kompaniyasiga tegishli bo‘lgan 700 million dollarni qaytarib beradi. Bu haqda “TASS” xabar bermoqda.
Vazirlik Eronning Hindistondagi hisob raqamlaridan 1,4 milliard ajratilishiga ruxsat berdi. Ularning birinchi qismini eronliklar yaqin kunlarda, qolganini esa kelgusi oyda oladi.
Bugungi kunga kelib hind banklarida Eron neft eksporti orqali topgan 6,5 milliard dollari mavjud. IRNA agentligining ma’lum qilishicha, Eron va AQSh moliya vazirligi Hindiston banklarida saqlanayotgan yana 4 milliard dollar qaytarilishi yuzasidan muzokaralar olib bormoqda.
Izoh (0)