Britaniyaning Channel 4 News telekanali ob-havo ma’lumotlari boshlovchisi Liam Datton 9-sentabr kuni Uels shimoli-g‘arbidagi nomi 58 harfdan iborat joy — Llanvayrpullgvingillgogerixverndrobullllantisilyogogogoxni tutilmasdan aytib, jahon teleboshlovchilari o‘rtasida o‘ziga xos musobaqa boshlab berdi.
Shu munosabat bilan Rossiyaning TJ internet-nashri televideniye xodimlari turli yillarda shu va boshqa shu kabi murakkab joy nomlarini aytishni qanday uddalaganliklarini yodga oldi.
LlanvayrpullgvingillgogerixverndrobullllantisilyogogogoxLiam Datton o‘z mahoratini ko‘rsatgan video ikki kun ichida YouTube’da yetti million martadan ko‘proq ko‘rildi.
https://www.youtube.com/watch?v=fHxO0UdpoxM
Ertasiga “Dojd” telekanali boshlovchisi Pavel Lobkov uning natijasini takrorlash va hatto yaxshilashga urinib ko‘rdi. U tomoshabinlarga Yangi Zelandiyadagi Taumatafakatangixangakoauauotamateapokainufenuakitanataxu (85 harf), Afrikadagi Tvebuffelsmetenskootmorsdoodgeskiyetfonteyn (43 harf) va Orenburgdagi Verxnenovokutlumbetyevo (23 harf)dagi ob-havo haqida ma’lumot berdi.
https://www.youtube.com/watch?v=IWksF6CoocI
Oshkor etilmay o‘tkazilayotgan mazkur musobaqada Ukrainaning “NTN” telekanali “Svidok” yangiliklar dasturi boshlovchisi Katerina Bulatova ham qatnashdi. U ham, hamkasblari kabi, vazifani tutilmasdan uddalay oldi.
https://www.youtube.com/watch?v=ZduHUHC_vBs
Datton hodisasi Llanvayrpullgvingillgogerixverndrobullllantisilyogogogox internetda ommalashib ketishi bilan bog‘liq 2015-yildagi ikkinchi holatdir. Mart oyida Jimmi Kimmelning shousida aktrisa Naomi Uotts 58 harfdan iborat so‘zni tutilmasdan talaffuz qilgandi. U bu so‘zni vaqtincha Uelsda yashaganida yodlagan.
https://www.youtube.com/watch?v=WwYAuvBcQ1Y
EyyafyadlayyokyudlIslandiyadagi Eyyafyadlayyokyudl vulqoni 2010-yili nafaqat Yevropa uzra aviaqatnovlarni izdan chiqargan, balki o‘zi haqida tinmay xabar berishga majbur bo‘lgan teleboshlovchilar uchun haqiqiy bosh og‘rig‘iga aylangan edi.
O‘shanda ko‘plab telekanallar studiyalarga vulqon nomini qanday qilib to‘g‘ri aytish kerakligini tushunish uchun lingvistika mutaxassislari yoki oddiy islandiyaliklarni taklif qilgan edi. Shunga qaramay, ingliz tilida so‘zlashuvchi boshlovchilar jismoniy jihatdan bu vazifani uddalash imkoniga ega emasdi.
https://www.youtube.com/watch?v=3ourrkzQgcU
O‘shanda islandiyalik xonanda Eliza Geyrsdottir Nyuman butun jahonga tanilib ketgandi — u nafaqat vulqon nomini osongina talaffuz qilardi, balki so‘zni eslab qolishga yordam beradigan qo‘shiq yozgandi.
https://www.youtube.com/watch?v=tEEXY6HrQ6Y
Amerikalik lingvistlarning tadqiqotiga ko‘ra, Yer aholisining faqat 0,005 foizigina Eyyafyadlayyokyudlni to‘g‘ri talaffuz qila oladi.
Chargoggagoggmanchauggagoggchaubunagungamaugg2009-yili teleboshlovchilar nomi hinducha bo‘lgan Chargoggagoggmanchauggagoggchaubunagungamaugg ko‘li yaqinidagi belgining almashtirilishi haqida xabar berishga majbur bo‘ldi. Mahalliy aholini ikki xato qoniqtirmadi — so‘zdagi 20-harf “O” o‘rniga “U”, 39-si esa “H” o‘rniga “M” bo‘lishi kerak edi.
Fox News boshlovchisi ko‘l nomini tutilmasdan ayta olgan, biroq, aftidan buning uchun tegishli yordamdan foydalangan: uni bir muddat kadrda ko‘rsatishmagan.
https://www.youtube.com/watch?v=ucCUp-rx6Yc
VerxnenovokutlumbetyevoVerxnenovokutlumbetyevo qishlog‘i vaqti-vaqti bilan Rossiya ommaviy axborot vositalarida paydo bo‘lib turadi, biroq boshlovchilar bunda ortiqcha qiynalmaydi. 2012-yili unda yashaydigan ayol “Nima? Qachon? Qayerda?” dasturiga savol yo‘llagan. Dasturning bu qismi aynan joy nomi sabab emas, balki savol sabab mashhur bo‘lib ketgan.
https://www.youtube.com/watch?v=AUALrFAzcHA
Tez aytishlarRusiyzabon teleboshlovchilar bir necha yildirki “Liguriya” — jahondagi eng murakkab tez aytishlardan birini to‘liq yoki bir qismini aytish bo‘yicha musobaqalashadi.
2012-yili Birinchi Boltiq kanali suxandoni Yelena Solomina “Liguriya” aytishni qoyilmaqom qilib uddalagan edi. Uning tez aytishni bir yarim daqiqada aytib ulgurgani tasvirlangan video YouTube’da 1,7 million marta ko‘rilgan.
https://www.youtube.com/watch?v=NMjzUHIwjfA
2015-yil bahorida esa moldovalik teleboshlovchi Gabriyela Antochel “Liguriya”ni to‘liq aytishga muvaffaq bo‘lgandi.
https://www.youtube.com/watch?v=128bx2n6TYU
Izoh (0)