Британиянинг Channel 4 News телеканали об-ҳаво маълумотлари бошловчиси Лиам Даттон 9 сентябрь куни Уэльс шимоли-ғарбидаги номи 58 ҳарфдан иборат жой — Лланвайрпуллгвингиллгогерихверндробуллллантисилйогогогохни тутилмасдан айтиб, жаҳон телебошловчилари ўртасида ўзига хос мусобақа бошлаб берди.
Шу муносабат билан Россиянинг TJ интернет-нашри телевидение ходимлари турли йилларда шу ва бошқа шу каби мураккаб жой номларини айтишни қандай уддалаганликларини ёдга олди.
ЛланвайрпуллгвингиллгогерихверндробуллллантисилйогогогохЛиам Даттон ўз маҳоратини кўрсатган видео икки кун ичида YouTube’да етти миллион мартадан кўпроқ кўрилди.
https://www.youtube.com/watch?v=fHxO0UdpoxM
Эртасига «Дожд» телеканали бошловчиси Павел Лобков унинг натижасини такрорлаш ва ҳатто яхшилашга уриниб кўрди. У томошабинларга Янги Зеландиядаги Тауматафакатангихангакоауауотаматеапокаинуфенуакитанатаху (85 ҳарф), Африкадаги Твебуффельсметенскоотморсдоодгэскиетфонтейн (43 ҳарф) ва Оренбургдаги Верхненовокутлумбетьево (23 ҳарф)даги об-ҳаво ҳақида маълумот берди.
https://www.youtube.com/watch?v=IWksF6CoocI
Ошкор этилмай ўтказилаётган мазкур мусобақада Украинанинг «НТН» телеканали «Свидок» янгиликлар дастури бошловчиси Катерина Булатова ҳам қатнашди. У ҳам, ҳамкасблари каби, вазифани тутилмасдан уддалай олди.
https://www.youtube.com/watch?v=ZduHUHC_vBs
Даттон ҳодисаси Лланвайрпуллгвингиллгогерихверндробуллллантисилйогогогох интернетда оммалашиб кетиши билан боғлиқ 2015 йилдаги иккинчи ҳолатдир. Март ойида Жимми Киммелнинг шоусида актриса Наоми Уотц 58 ҳарфдан иборат сўзни тутилмасдан талаффуз қилганди. У бу сўзни вақтинча Уэльсда яшаганида ёдлаган.
https://www.youtube.com/watch?v=WwYAuvBcQ1Y
ЭйяфьядлайёкюдльИсландиядаги Эйяфьядлайёкюдль вулқони 2010 йили нафақат Европа узра авиақатновларни издан чиқарган, балки ўзи ҳақида тинмай хабар беришга мажбур бўлган телебошловчилар учун ҳақиқий бош оғриғига айланган эди.
Ўшанда кўплаб телеканаллар студияларга вулқон номини қандай қилиб тўғри айтиш кераклигини тушуниш учун лингвистика мутахассислари ёки оддий исландияликларни таклиф қилган эди. Шунга қарамай, инглиз тилида сўзлашувчи бошловчилар жисмоний жиҳатдан бу вазифани уддалаш имконига эга эмасди.
https://www.youtube.com/watch?v=3ourrkzQgcU
Ўшанда исландиялик хонанда Элиза Гейрсдоттир Ньюман бутун жаҳонга танилиб кетганди — у нафақат вулқон номини осонгина талаффуз қиларди, балки сўзни эслаб қолишга ёрдам берадиган қўшиқ ёзганди.
https://www.youtube.com/watch?v=tEEXY6HrQ6Y
Америкалик лингвистларнинг тадқиқотига кўра, Ер аҳолисининг фақат 0,005 фоизигина Эйяфьядлайёкюдлни тўғри талаффуз қила олади.
Чаргоггагоггманчауггагоггчаубунагунгамаугг2009 йили телебошловчилар номи ҳиндуча бўлган Чаргоггагоггманчауггагоггчаубунагунгамаугг кўли яқинидаги белгининг алмаштирилиши ҳақида хабар беришга мажбур бўлди. Маҳаллий аҳолини икки хато қониқтирмади — сўздаги 20-ҳарф «О» ўрнига «У», 39-си эса «Ҳ» ўрнига «М» бўлиши керак эди.
Fox News бошловчиси кўл номини тутилмасдан айта олган, бироқ, афтидан бунинг учун тегишли ёрдамдан фойдаланган: уни бир муддат кадрда кўрсатишмаган.
https://www.youtube.com/watch?v=ucCUp-rx6Yc
ВерхненовокутлумбетьевоВерхненовокутлумбетьево қишлоғи вақти-вақти билан Россия оммавий ахборот воситаларида пайдо бўлиб туради, бироқ бошловчилар бунда ортиқча қийналмайди. 2012 йили унда яшайдиган аёл «Нима? Қачон? Қаерда?» дастурига савол йўллаган. Дастурнинг бу қисми айнан жой номи сабаб эмас, балки савол сабаб машҳур бўлиб кетган.
https://www.youtube.com/watch?v=AUALrFAzcHA
Тез айтишларРусийзабон телебошловчилар бир неча йилдирки «Лигурия» — жаҳондаги энг мураккаб тез айтишлардан бирини тўлиқ ёки бир қисмини айтиш бўйича мусобақалашади.
2012 йили Биринчи Болтиқ канали сухандони Елена Соломина «Лигурия» айтишни қойилмақом қилиб уддалаган эди. Унинг тез айтишни бир ярим дақиқада айтиб улгургани тасвирланган видео YouTube’да 1,7 миллион марта кўрилган.
https://www.youtube.com/watch?v=NMjzUHIwjfA
2015 йил баҳорида эса молдовалик телебошловчи Габриела Анточел «Лигурия»ни тўлиқ айтишга муваффақ бўлганди.
https://www.youtube.com/watch?v=128bx2n6TYU
Изоҳ (0)