Yaponiyada Kinugava suv omborining toshib, yorilishi natijasida suv ostida qolgan Dzyoso shahrida yetti kishi bedarak yo‘qoldi. Bu haqda “TASS” xabar bermoqda.
Xonsyu orolining sharqiy tumanlariga yopirilgan yog‘ingarchilik oqibatida Kinugava daryosidagi suv ombori yorilib ketdi, oqibatda 370 kilometr kvadrat maydon suv ostida qolgan, 6,9 mingga yaqin turar-joyga zarar yetgan.
Hozirgi vaqtda 200 kishini qutqarish bo‘yicha ishlar olib borilmoqda. Qutqaruvchilar odamlarni vertolyotlarda qutqarmoqda, chunki barcha yo‘llar suv ostida qolgan, kuchli oqim sabab qayiqlarda uyga yaqinlashish imkonini bermayapti.
Bo‘ron xavfi Tiba, Kanagava, Saytama, Fukusima, Miyagi, Niigata, Yamagata va Tokio prefekturalariga ham amal qiladi. Mutaxassislar toshqin va ko‘chkilar yuz berishidan ogohlantirmoqda. 1 millionga yaqin odamga xavfsiz joyga ko‘chish haqida ko‘rsatma berilgan.
Izoh (0)