So‘nggi besh yil ichida KXDR Janubiy Koreyaga nisbatan 60 dan ortiq “harbiy provokatsiya” uyushtirgan. Bu haqda Koreya Respublikasi milliy mudofaa vazirligi 10-sentabr kuni ma’lum qildi, deb yozadi “TASS”.
“2010-yildan 2015-yilga qadar Shimol 64 ta provokatsiya uyushtirdi, shulardan sakkizta holatda harbiy demarkatsiya chizig‘i bosib o‘tilgan, beshtasida artilleriyadan o‘t ochilgan va 13 tasida dengizda hodisalar sodir bo‘lgan”, — deyiladi bayonotda.
Unda ta’kidlanishicha, ushbu voqealarning ko‘pchiligi so‘nggi ikki yil ichida — koreyalararo aloqalardagi keskinlik birdan oshib ketgan vaqtda ro‘y bergan.
Izoh (0)