Японияда Кинугава сув омборининг тошиб, ёрилиши натижасида сув остида қолган Дзёсо шаҳрида етти киши бедарак йўқолди. Бу ҳақда «ТАСС» хабар бермоқда.
Хонсю оролининг шарқий туманларига ёпирилган ёғингарчилик оқибатида Кинугава дарёсидаги сув омбори ёрилиб кетди, оқибатда 370 километр квадрат майдон сув остида қолган, 6,9 мингга яқин турар-жойга зарар етган.
Ҳозирги вақтда 200 кишини қутқариш бўйича ишлар олиб борилмоқда. Қутқарувчилар одамларни вертолётларда қутқармоқда, чунки барча йўллар сув остида қолган, кучли оқим сабаб қайиқларда уйга яқинлашиш имконини бермаяпти.
Бўрон хавфи Тиба, Канагава, Сайтама, Фукусима, Мияги, Ниигата, Ямагата ва Токио префектураларига ҳам амал қилади. Мутахассислар тошқин ва кўчкилар юз беришидан огоҳлантирмоқда. 1 миллионга яқин одамга хавфсиз жойга кўчиш ҳақида кўрсатма берилган.
Изоҳ (0)