AQSh davlat kotibi Jon Kerri Rossiya tashqi ishlar vaziri Sergey Lavrov bilan telefon suhbatida Moskvaning Suriyadagi nizolarga aralashuvi haqidagi xabarlar yuzasidan xavotir bildirdi, deya xabar bermoqda “RBK”.
Kerri Lavrovga aytishicha, agar Rossiyaning Suriyadagi harbiy ishtiroki kuchaygani haqidagi xabarlar haqiqatga to‘g‘ri kelsa, bu nizo yanada avj olishiga, katta yo‘qotishlarga va qochoqlar oqimining ko‘payishiga olib kelishi mumkin.
Kerri, shuningdek, bu holatda Suriyada IShID jangarilariga qarshi kurash olib borayotgan koalitsiya bilan qarama-qarshilik yuzaga kelishi xavfi borligini aytib o‘tdi.
Tomonlar Suriyadagi vaziyat bo‘yicha muhokamani Nyu-Yorkda bo‘lib o‘tadigan yuzma-yuz uchrashuvda davom ettirishga kelishib oldi.
Nashr eslatishicha, o‘tgan hafta Londonning The Times gazetasi Suriyadagi urush haqidagi reportajda rus tilida berilgan buyruqlar eshitilganini xabar qilgan edi.
Izoh (0)