OAV: Yamanga raketa bilan zarba berilishi natijasida arab koalitsiyasi 100 dan ortiq askarini yo‘qotdi

4-sentabr, juma kuni Yaman raketa bilan o‘qqa tutilishi natijasida Saudiya Arabistoni qo‘mondonligidagi koalitsiya qo‘shinlari yuzdan ziyod harbiy xizmatchisini yo‘qotdi, deya xabar bermoqda “TASS” Yamanning “Al Vatan” gazetasiga tayanib. Otishma joyida jami 103 nafar xorijlik harbiyning jasadi topilgan.

Ba’zi manbalar halok bo‘lganlar sonini 130 kishi deb ko‘rsatmoqda. Yana 70 harbiy yarador bo‘lgan, ularning ko‘pchiligi og‘ir ahvolda.

Ma’lumotlarga ko‘ra, raketa Shabvadagi Bayxan tumanidan respublika sobiq rahbari Ali Abdulla Solih tarafdorlari bo‘lgan prezident gvardiyachilari tomonidan otilgan.