Saudiya Arabistoni sharqida joylashgan Abkaykda dunyodagi eng yirik neftni qayta ishlash majmuasida terakt uyushtirishga uringan terrorchi yo‘q qilindi, deya xabar bermoqda “TASS” Saudiya matbuot agentligiga tayanib.
“Xudkushlik kamari” bog‘langani gumon etilgan ekstremist majmua hududiga kirmoqchi bo‘lgan. Nazorat o‘tkazish punktlaridan birida u huquqni muhofaza qilish organlari xodimlariga qarata o‘t ochgan va uch politsiyachini yaralagan. Shundan so‘ng jangari yaqin oradagi binolardan biriga yashiringan. Otishma natijasida terrorchi o‘ldirilgan. Bundan tashqari, olgan jarohatlari tufayli politsiyachilardan biri halok bo‘ldi.
Ekstremistik guruhlardan hech biri ushbu hujum uchun javobgarlikni olganicha yo‘q.
Izoh (0)