Tojikiston prezidenti Emomali Rahmon iqtisodiy inqiroz sabab mamlakat aholisini ikki yillik oziq-ovqat zaxirasini g‘amlab qo‘yishga chaqirdi. Bu haqda “Gazeta.ru” xabar bermoqda.
“Mana, bir necha yildirki biz xalqni ikki yillik oziq-ovqat zaxirasini g‘amlab qo‘yishga chaqirmoqdamiz. Bu juda muhim. Ayniqsa, mamlakatimiz bozorlari qishloq xo‘jaligi mahsulotlariga to‘lgan bu yilda har bir oila mazkur imkoniyatdan foydalanib qolishi darkor”, — deya qayd etdi prezident.
Rahmonning qo‘shimcha qilishicha, jahondagi notinch geosiyosiy vaziyat, milliy valyuta kurslarining tushib ketayotgani va kuz-qish mavsumining haddan ortiq darajada sovuq kelishi ehtimoli mamlakat aholisi hayotiga salbiy ta’sir qilishi mumkin.
Shunga qaramay, Rahmonning qayd etishicha, 2015-yil qishloq xo‘jaligi mahsulotlarini yetishtirish jihatidan muvaffaqiyatli keldi va bundan har bir oila foydalanib qolishi kerak.
Izoh (0)