“O‘zbekiston havo yo‘llari” milliy aviakompaniyasi shu yilning 30-sentabriga qadar Ukraina poytaxtidagi vakolatxonasi faoliyatini to‘xtatadi. Bu haqda aviakompaniyadagi manbalarga tayanib, 12news.uz ma’lum qildi.
Eslatib o‘tamiz, oldinroq aviakompaniya 2015-yil 12-maydan e’tiboran O‘zbekiston va Ukraina o‘rtasida aviayo‘nalishlardan foydalanish masalasida kelishuv bo‘lmaganligi sababli Toshkent—Kiyev—Toshkent yo‘nalishida samolyotlar parvozi to‘xtatilganini e’lon qilgan edi.
O‘zbekistonning Ukrainadagi Favqulodda va Muxtor Elchisi Alisher Abdualiyevning ta’kidlashicha, milliy aviakompaniya may oyidan beri Ukraina ma’murlaridan haftasiga bir marta Kiyevga parvozlar amalga oshirilishiga ruxsat berilishini kutadi. Ukraina tarafidan ikki davlat poytaxtlari o‘rtasidagi havo qatnovining bir tomonlama to‘xtatib qo‘yilishi havo transporti sohasidagi hamkorlik kelishuvlariga zid hisoblanadi.
Izoh (0)