O‘zbekiston olimpiya terma jamoasi Slovakiyadagi xalqaro turnirdagi ilk uchrashuvida BAA olimpiya terma jamoasini 1:0 hisobida mag‘lub etdi, deb xabar beradi O‘zbekiston futbol federatsiyasi matbuot xizmati.
Uchrashuvning ikkinchi bo‘limida Bobur Yo‘ldoshev jarimadan oshirib berilgan to‘pni boshi bilan raqib darvozasiga kiritdi va ushbu gol o‘yindagi yagona gol bo‘ldi.
Eslatib o‘tamiz, mazkur turnirda O‘zbekiston hamda BAA olimpiya terma jamoalaridan tashqari Saudiya Arabistoni, Iordaniya hamda mezbon Slovakiya olimpiya terma jamoalari ishtirok etadi.
Ma’lumot o‘rnida, O‘zbekiston milliy terma jamoasi bilan Toshkentdagi yig‘inda ishtirok etgan “Nasaf” yarim himoyachisi Odil Hamrobekov olimpiya terma jamoasi safida Slovakiyaga jo‘nab ketgan. Slovakiyadagi Dilshod Nuraliyev olimpiya terma jamoasiga murabbiylik qilmoqda.
Avvalroq xabar berilganidek, Slovakiyadagi xalqaro turnir O‘zbekiston olimpiya terma jamoasi uchun yanvar oyida Qatarda bo‘lib o‘tadigan U-23 yoshlar o‘rtasidagi Osiyo Chempionati bahslariga tayyorgarlik vazifasini o‘taydi.
O‘zbekiston olimpiya terma jamoasining turnirdagi navbatdagi uchrashuvi 1-sentabr kuni Saudiya Arabistoniga qarshi bo‘lib o‘tadi.
O‘zbekiston U-23 – BAA U-23 – 1:0Gol: Bobur Yo‘ldoshev (82).O‘zbekiston U-23: Abdumavlon Abdujalilov, Maksimilian Fomin, Sardor Rahmonov, Bobur Yo‘ldoshev, Javlon Mirabdullayev, Otabek Shukurov, Odil Hamrobekov, Ikrom Aliboyev, Doston Hamdamov, Jaloliddin Masharipov, Zabihillo O‘rinboyev.
Izoh (0)