Twitter foydalanuvchilarga eng yaxshi xabarlarni profilga biriktirish imkonini berdi

Twitter’ning rasmiy akkauntida foydalanuvchilar profillari yuqorisiga o‘zlari tanlagan tvitlarni biriktirib qo‘yish imkoniyatiga ega bo‘lganligi haqida xabar paydo bo‘ldi. Bu haqda The Next Web nashri ma’lum qiladi.

Bu yangilikni iOS va Android mobil dasturi xizmatidan foydalanuvchilar qo‘llashi mumkin. Xabarga yangi xizmatni faollashtirish ko‘rsatilgan video ham ilova qilingan. Endi har bir tvitning sozlamasida “Tvitni profilga biriktirish” (Pin to your account) opsiyasi paydo bo‘ldi. Shundan so‘ng, tanlangan xabar akkaunt egasining shaxsiy ma’lumotlaridan keyin aks etadi.

Endilikda foydalanuvchilar chuqur ma’nosi bilan yoqib qolgan eski tvitlarini qoldirish imkoniga ega bo‘ldi.