Facebook’da suratlarni yuklash paytidayoq tahrirlash mumkin bo‘ldi

Facebook ijtimoiy tarmog‘i foydalanuvchilari rasmlarni tahrirlash imkoniyatiga ega bo‘ldi, deya xabar bermoqda “Lifehacker.ru”.  Avvalroq ushbu funksiya faqat iOS’ning Facebook dasturida mavjud edi, endi u barcha foydalanuvchilar uchun taqdim etildi.

Tahrirlash funksiyasi orqali fotosuratlarni kesish, badiiy filtrlar qo‘llash, yozuv yoki stikerlar qo‘shish mumkin.

Facebook’ga yangi rasm yuklashda, ikona ustiga sichqoncha kursorini olib borganda, mo‘yqalam shaklidagi belgicha paydo bo‘ladi, uni bosish orqali fotosurat redaktoriga o‘tiladi.

Ta’kidlash joiz, Facebook’dagi yangi funksiyani jiddiy grafik redaktor bilan taqqoslab bo‘lmaydi. U shunchaki rasmni biroz jonlantirish, foydalanuvchilarni kuldirish yoki rasmdagi muhim obyektga e’tibor qaratishning tezkor usulidir.