Boeing muhandislari uchuvchisiz havo apparatlarini yo‘q qiladigan lazerli zambarak yaratdi. Bu haqda “Gazeta.ru” xabar bermoqda.
Qurol dronlarga ikki kilovatt kuchga ega infraqizil nurlar bilan zarba beradi. Bu nurlar apparat korpusini teshib, uning mexanika yoki elektron tizimini ishdan chiqaradi. Buning uchun atigi ikki soniya kifoya.
Boeing vakillari zambarak qancha uzoqlikdagi dronlarni ishdan chiqarishi mumkinligini aniq ma’lum qilmagan, ammo optik uskunalar ilg‘aydigan masofadagi nishonni mo‘ljalga olishi mumkinligi ta’kidlangan.
Zambarak oddiy Xbox 360 nazoratchisi va noutbuk yordamida boshqarilishi mumkin.
Izoh (0)