Temur Olimxo‘jayev boshchiligidagi O‘zbekiston o‘smirlar terma jamoasi Qatar U-16 bilan ikkita o‘rtoqlik uchrashuvi o‘tkazadigan bo‘ldi. Bu haqda O‘zbekiston futbol federatsiyasi matbuot xizmati xabar bermoqda.
O‘zbeksiton U-16 terma jamoasi 28–31-avgust kunlari Toshkentda qisqa muddatli yig‘in o‘tkazib, shundan so‘ng Qatarga yo‘l oladi. 31-avgustdan 5-sentabrga qadar o‘quv-yig‘in jarayoni Qatarda davom ettiriladi. Ushbu yig‘in doirasida Olimxo‘jayev shogirdlari Qatar U-16 termasiga qarshi ikkita o‘rtoqlik uchrashuvi o‘tkazadi. Dastlabki o‘yin 2-sentabrda bo‘lib o‘tsa, ikkinchi uchrashuv 4-sentabrga belgilangan.
Eslatib o‘tamiz, O‘zbekiston o‘smirlar terma jamoasi 2016-yili Hindistonda bo‘lib o‘tadigan Osiyo chempionati saralash bosqichida ishtirok etadi. Osiyo chempionati saralashining “A” guruhidan o‘rin olgan O‘zbekiston o‘smirlari Falastinda o‘tkaziladigan uchrashuvlarda Yaman, Falastin va Maldiv jamoalariga qarshi maydonga tushadi. Saralash o‘yinlari 16–20-sentabr kunlari bo‘lib o‘tadi.
Izoh (0)